| 番禺好熱呀，有37度嗎? 熱到我覺得自己中左暑....你地見我講咁少野就知我唔舒服啦. 星期六9點已經上左車大巴去. 嗱! 我係好準時到達的! 上到大巴本來諗著訓覺的, 但係訓黎訓去都訓唔著! 結果竟然係成程車入面都無訓到....o係文錦渡過關已經忍唔著要去洗手間, 唉.... o個度既洗手間真係...... 無得頂啦..... 到第一個停車站時, 我地都唔知要落車,係我地問人先知。我地咁多人(一行6人), 我地梗係坐的士到酒店啦! 永成酒店竟然唔係好多司機識去呀... 但係間酒店幾大喎，我地又係book 左VIP 的套房,兩房一廳,rmb 1130,又ok 喎... 我地去左對面的餐廳食, 我地點完菜後, 侍應問我地要唔要d 前菜, 竟然有蕃薯... 真係第一次聽前菜竟然係蕃薯...... 食完已經好晏, so 我地決定去動物園 + 睇馬戲. 3人一架的士車, 我地的車費係rmb12, 另一架竟然係rmb 30..... 一係double 唔止!! 好耐都未去過動物園, 以前覺得d 動物好高好大的, 點解而家變左咁細同咁矮的? 我地坐車遊左一圈, 好晒呀! 晒到我即刻黑左. 天氣好焗呀! 點解仲未落雨gar?????? 6點幾到門口諗著睇馬戲，估唔到咁多人o係門口排隊….. 禮讓既人士係無可以入到去的，我，當然唔係呢d 人啦…… 今次坐的位好前呀! 比起之前既山頂位好好多, 清楚好多! 所以無我想像中咁悶, 時間又好快過。有一幕跳森巴舞既時候，個個睇到眼都唔郁呀，因為境觀實在係好。9點鐘睇完，出到去已經成10點幾，我地去左祈福o個度食野。之後返酒店玩pictionary , 輸左! 4點先訓! 今日真係好熱好熱! 第二日醒左 我見個天色都係好灰, 諗著仲係好早, hea 多 一次都仲係好灰, 起身先發覺係7點幾，未到8點已經好肚餓( 我一般都係7點半食的, 8點已經好遲)，好在過多一陣hallie 起左食者, 我梗係拉佢落去食早餐啦! 早餐好多野食, 好豐富, 乜都有,真係好正。 Check out 後到歡樂世界，到達已經10點幾，今日比尋日仲熱左，我點解會o係咁熱既時候會去呢d 地方…… 入到去, 點解我架碰碰車係壞gar? 架車一直向後行… 尋晚唔夠訓, 玩左倆次係咁轉既機動遊戲已經暈暈地，所以我今次無玩U型滑板 (可能我已經唔敢玩啦), 玩玩下落雨呀! 好彩我有帶遮，點解你地會無人帶gar…...即刻買兩把啦. 愈落愈大, 乜都坃唔到, 食完野諗著走好開始好天. 但係大家既疲累開始湧現，所以返酒店拎返李就坐船走la, 最後一班船都趕到, 太好彩啦! 船長落力推銷番禺手信真係令我好佩服。 今次全部相都係動物同食物，因為已經熱到唔想郁啦!! |
